لنهاردة بقي يا جماعة هكتبلكوا علي الطريقة الكاملة لعمل حمام النخاع
بجد و الله من افضل الحاجات الطبيعية للشعر، و هو بينعم الشعر جدااااااااا كمان
اولا بتروحي للجزار، بتقوليله عايزة نخاع مواسير - عشان في نوع نخاع تاني اسمه سلسلة و مش ده المقصود
لو عايزة تريحي نفسك هاتي كذا واحده، لانه بيتشال عادي في الفريزر زي اللحمة، او ممكن حتي بعد ما تعمليه يتشال في التلاجة عادي
احنا الجزار عندنا بيبيع الواحدة ب 3 جنيه
و افضل حاجة خليه يكسرهالك هو احسن، انا بخليه يطلعلي كل النخاع اللي جواه، و مش باخد العظم اساسا
بعد كده يا سيتي تاخديه بقي، هو عامل زي الدهون كده
هتلاقي حتت فيها لون احمر، انا بشيل الحاجات دي لانها دم متجمد
مش باخد غير الحتت اللي لونها ابيض بس،
و بعدين تغسليه كويس، و
بعد كده باخده بحطه في طبق المونيوم علي اد حلة صغيرة، و بملي الحلة دي
ميه و بسيبها تغلي و بعد كده بحطه فوقيها و اوطي النار خاااللص و اسيبه مع
نفسه بقي، خليه لحد ما اكبر قدر منه يسيح، لان في حتت مش هتسيح، و حاولي
بالشوكة كل شوية تهرسيه كده عشان ينزل اكتر حاجة عنده
و بعدين باخده بقي، و بجيب حتة قماش و بحطها فوق علبة كريم فاضية، و بصفية كوييس
و بعدين حطي عليه اي نوع زيت بيناسب شعرك
لما تيجي تخرجيه من التلاجة و عايزة تسيحيه،، خدي حته، و سيحيها بنفس الطريقه،، يعني مش علي النار مباشرة
في ملاحظات:
اولا: متحطيش النخاع في حلة مباشرة علي النار لانه هيلزق، و الزيت اللي هيسيح هيقدح
ثانيا: لازم تحطي زيت، حتي لو معلقة عشان النخاع ميجمدش علي شعرك
ثالثا: النخاع بيبقي قبل العمل ليه ريحة مش حلوة خالص، متخافيش والله بعد ما تعمليه و تحطي عليه زيت والله مش بتبان
انا بحط زيت لوز فاتيكا عشان يعمل ريحة حلوة
يارب اكون افدتكم
» اقوال الحكماء .. في طبيعة الرجال
» هل ترا ان الكشف قبل الزواج له مردود ايجابي ؟ وهل مطبق ?
» 10 مهن جاذبة للنساء في الوطن العربي!
» نظرة المرأه للرجل وكيف تحب أن تراه ؟؟؟
» إهمال الطفل صورة من صور العنف...!!!
» أيهما اقوى الحب قبل الزواج ام بعده؟
» اساس اختيار شريك الحياه
» شعر عن الحب